WELCOME TO MASR7NA
 
البوابةالرئيسيةس .و .جبحـثالتسجيلالأعضاءالمجموعاتدخول

شاطر | 
 

 مرفوض

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
إسلام شحاتة

avatar

عدد الرسائل : 48
العمر : 32
تاريخ التسجيل : 10/12/2007

مُساهمةموضوع: مرفوض   الإثنين مارس 10, 2008 5:45 am

السلام عليكم ورحمة الله وبركاتة

الى كل مرتبط او مقبل على ذلك . انتظر واحترس وتمهل ثم استمع الى قصديتي مرفوض وبعدها انطلق .

( ارجو منكم اخوتي عدم نشر هذه القصيدة في اي منتدى اخر )


للتحميل الصوتي

4shared.com/file/40335841...ified=a5d21e87


مرفوض

طول العمر بيها أنا بحلم
امتى هشوفها واسمع صوتها
واجمع ليها نجوم الدنيا
ويّا الشمس ف صحبة ورد ؟
بس لقتها
فيها جمال الدنيا بحلها
ويّا الخفه
عرفت إني بدوب في هواها
وان حياتي جحيم ودواها
إني أشوفها واسمع صوتها
وأنسى هموم الدنيا معها
كانت ذي بتستناني
تعشق مر الصبر عشاني
قلت أتقدم
بس أنا خايف يخدو حياتي بقولت لاء
قلت أتشجع
خدت الوالد ويّا الوالدة واتهيأت
وشنقت روحي بجرفته اه مصدقت
فجاه بسرعة لقتني وصلت
بس لقيت السلم عالي
ايوه أنا خوفت
ألقى نفسي منه وقعت
قلت لبويا يلا يا حج
خد الحجه وروح بيتنا
سبني يابويا اسأل وحدي
سمع الوالد مني وراح
بعد ما روح وحدي ضحكت
قلت أتشجع واطلع وحدي
فجأة بدأت السلم عد
سبعين درجة سلم منهم
تالت درجه ملهاش حد
فجأة لقتني عند الباب
بس نسيت ليه أنا جي
ونسيت اسمي ونست رسمي
ونسيت يومي كمان وياه
مابقيت عارف إن كان يومي
خميس من حد بس دخلت
قلوا أتفضل أهلا بيك
كل العيله بتحيك
قلت أنا منكم أنا جي اطلب
ايد الشمس قلتم ايه ؟
قالوا الشمس دي غاليه علينا
وان بيك قبلت أهلا بيك
لكن منك عاوزين نعرف
شغال ايه ؟
عندك شقه ولا عمارة
ولا حياتك شكلها ايه ؟
قلت لنفسي اهو دا الجد
اسمع مني كلام مجنون
أما الشغل
أنا متخرج لسه جديد
حط عليهم يابا الحج
اتناشر شهر كمان تجنيد
فجاه لقيت الضحكة في وشه
بعد ما كانت صبحت نار
قلت أنا ادور وشي واكمل
واعمل نفسي طور وحمار
أما الشقة يا عيني عليها
ممعيش منها حتى إيجار
وكمان ولدي يابا الحج مهوش جزار
يقدر يدبح جيب الخلق ليل ونهار
فجأة ببص لقيت الاوده
مولعة نار
قلت استنوا واسمعوا مني
رغم الفقر أنا عندي كنوز
سمعوا الكنز
بعد ما كانوا جهنم حمره
صبحوا بقدرة قادر جنه
قومت أنا قولت
عندي شهادة من الكلية
ويا الصبر مع الأخلاق
وكمان زمه نضيفه أمانه
واعرف ديني وأحب الناس
وكمان عندي بيوت من شعر
يمكن بيهوم أنا يوم أوصل
وكمان بملك قلب بيعشق
نور الشمس ويّا تربها
يابا الحج
جيت أنا اطلب منك ادها
ولما طلبت أنا جيت م الباب
بكره هبني معاها واكبر
هديها عمري وبلدي هعمر
قالي شحاتة !
قالي هتقدر ؟!
تدفع مهر الشمس منين ؟
اسمع طلبي إن كنت هتقدر
عاوز شقة كبيرة وسعه
ويا شليه في محرم بيه
غير المهر وغير الشبكة
عد وقال ميت ألف جنيه
وادي الست الغليه مراته
قالت ويا الشبكة كوليه
علشان تبقى بنتي الغلية
ذي عزيزة بنت محاسن
لما طلبها محسن بيه
وادي أخوها اتشمر قال
ذي السبع اسم الله عليه
وكمان عربيه على الزيرو
قلها الزاي يا مشله عليه
بكره يروح يقعد في مكاني
ولا حدش هيسمي عليه
أخر كلمة
أخر كلمة لما اتقالت منها تعبت
مرفوض
وخرجت من بتهم اجري
ولقيت نفسي لوحدي بعد
سبعين درجة سلم منهم
تالت درجه ملهاش حد
و بسرعه وبقيت في الشارع
لكن قلبي وجعني بجد
قلت لنفسي استنى وهدي
ببص عليها لقتها بتبكي
قالت رايح فين هتسبني
قلت أنا اسيب الدنيا واجيلك
لكن غصبن عني نزلت
وحياتك لهلف واجيلك
وهكسر سلمكم عد
سبعين درجه سلم منهم
تالت درجه ملهاش حد

مع تحياتي

إسلام محمد شحاتة محمد حجازي

( انتظرو الجزء الثاني - راجع من تاني )


ارجو منكم كتابة رايكم بعد سماعها

_________________
من الصعب ان ينمو الابداع في عقل جائع
والاصعب ان يختفى الاحساس من قلب شاعر

www.alshaer.un.ma
www.masr7na.un.ma
www.2dab.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
barbry

avatar

عدد الرسائل : 69
العمر : 32
تاريخ التسجيل : 01/01/2008

مُساهمةموضوع: رد: مرفوض   السبت مارس 15, 2008 5:59 pm

شكرا جدااااااااا لاسلام على زوقه لانى طلبت منه القصيده من فتره وانا بعتبرها من اروع ما كتب اسلام بعد القصيده اللى كتبها فى عمر ابن الخطاب واتمنى له المزيد من التوفيق وربنا يزيد فى موهبتك يا رب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مرفوض
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MASR7NA :: منتدى الاقلام-
انتقل الى: