فكرة الموضوع ....... هى عبارة عن سلسلة أنا اللى بكتبها بس بيكون متوفر فيها شرط واحد ان كل موضوع من مواضيعها يكون عنوانه زوجى يعنى مكون من كلمتين فقط ( يعنى .. تقدروا تقولوا بتحدى نفسى فى اللغة العربية التى أذوب فى عشقها )
المهم ..
ان شاء الله كل فترة هنزل موضوع وياريت ألاقى اقبال من الناس وتقولولى رأيكوا فى الموضوع كفكرة و كطريقة كتابة .. كده يعنى .
نبدأ بأول موضوع فى سلسلتى المتواضعة :
شحات شيك
شر البلية مايضحك
كنا قاعدين أنا ومجموعة من أصحابى فى وسط البلد
وفجأة
لقينا واحد عجوز لابس بدلة
متربة شوية
وبيطلب من واحد فينا فلوس
المهم
احنا أساسا مش لاقيين ناكل
مدينالوش حاجة
وهو ماشى طلب من واحد صاحبنا كان بيدخن
وقاله :
ممكن سيجار ( سيجار ) اه والله
وبعد كده وهو ماشى
قالنا :
جود باى
شحات وسط البلد بقى